നയ്‌റോബി: കെനിയന്‍ തലസ്ഥാനമായ നയ്റോബിയിലെ ആഡംബര ഹോട്ടലില്‍ ഭീകരാക്രമണം. സ്ഫോടനവും വെടിവയ്പും. 5 പേര്‍ മരിച്ചതായി റിപ്പോര്‍ട്ടുകള്‍. മരണം കൂടാന്‍ സാധ്യതയുണ്ടെന്നാണ് റിപ്പോര്‍ട്ട്. ഹോട്ടലില്‍ എത്രപേര്‍ കുടുങ്ങിയിട്ടുണ്ടെന്നും വ്യക്തമല്ല . വെസ്റ്റ്ലാന്‍ഡ് മേഖലയിലെ ഡുസിറ്റ്ഡി2 ഹോട്ടലിലാണ് ഭീകരര്‍ അക്രമണം നടത്തിയത്. പോലീസ് സ്ഥലത്തെത്തിയെങ്കിലും ഭീകര വാദികളെ കീഴടക്കാന്‍ ഇതുവരെ കഴിഞ്ഞിട്ടില്ല എന്നാണ് റിപ്പോര്‍ട്ട്.
സോമാലിയയിലെ അല്‍ഷബാബ് ഭീകരഗ്രൂപ്പ് ആക്രമണത്തിന്‍റെ ഉത്തരവാദിത്വം ഏറ്റെടുത്തു.
2013ല്‍ നയ്റോബിയിലെ വെസ്റ്റ്ഗേറ്റ് മാളില്‍ അല്‍ഷബാബ് നടത്തിയ ഭീകരാക്രമണത്തില്‍ 71 പേര്‍ കൊല്ലപ്പെട്ടു. സോമാലിയന്‍ സര്‍ക്കാരിനെ സഹായിക്കാനായി സൈന്യത്തെ അയച്ചതിനു പ്രതികാരമായാണ് മാളില്‍ ആക്രമണം നടത്തിയത്.
Post Your Comments