മലയിൻകീഴ് : അഞ്ചു വയസ്സുകാരിയുടെ ശരീരത്തിൽ ചൂടു ചായ ഒഴിക്കുകയും മാതാവിനെ മർദിക്കുകയും ചെയ്ത കേസിൽ വിളവൂർക്കൽ പാവച്ചക്കുഴി കുന്നുംപുറത്തു വീട്ടിൽ സുരേഷി(38)നെ മലയിൻകീഴ് പൊലീസ് അറസ്റ്റ് ചെയ്തു. ചൊവ്വാഴ്ച വൈകിട്ടാണ് സമീപവാസിയായ യുവതിയുടെ വീട്ടിൽ പ്രതി അതിക്രമിച്ചു കടന്നത്.
തുടർന്ന് യുവതിയെയും മകളെയും ആക്രമിക്കാൻ ശ്രമിച്ചു. ഇതിനിടെയാണ് സമീപം ഇരുന്ന ചൂടു ചായ എടുത്ത് കുട്ടിയുടെ ശരീരത്തിൽ ഒഴിച്ചത്. തടയാൻ ശ്രമിച്ച യുവതിയുടെ മാതാപിതാക്കൾക്കും മർദനമേറ്റു. ആറു മാസം മുൻപ് ശല്യം ചെയ്യുന്നുവെന്ന ഇതേ യുവതിയുടെ പരാതിയിൽ സുരേഷിനെ അറസ്റ്റ് ചെയ്തിരുന്നു. ഇതിന്റെ വൈരാഗ്യത്തിൽ ആണ് വീണ്ടും പ്രശ്നം ഉണ്ടാക്കിയത് എന്ന് പൊലീസ് പറഞ്ഞു. പ്രതിയെ കോടതിയിൽ ഹാജരാക്കി.
Post Your Comments