ആലപ്പുഴ: വനിതാ മതിലില്‍ കെ.ആര്‍ ഗൗരിയമ്മ പങ്കെടുക്കും. ആലപ്പുഴയിലാണ് ഗൗരിയമ്മ മതിലില്‍ അണിചേരുക. പെതുമരാമത്ത് മന്ത്രി ജി.സുധാകരന്‍ ഗൗരിയമ്മയുടെ വീട്ടില്‍ പോയി വനിതാ മതിലിനായി ക്ഷണിച്ചതിനെ തുടര്‍ന്നാണ് പരിപാടിയില്‍ പങ്കെടുക്കുമെന്ന കാര്യം വ്യക്തമാക്കിയത്. മുഖ്യമന്ത്രി പിണറായി വിജയന്‍ ഇന്നലെ രാത്രി വിളിച്ചെന്നും ഗൗരിയമ്മ കൂടി മതിലില്‍ പങ്കെടുക്കണമെന്ന് അഭ്യര്‍ത്ഥിച്ചതായും സുധാകരന്‍ പറഞ്ഞു. വനിതാ മതിലില്‍ താന്‍ പങ്കെടുക്കുമെന്നും ആ അറ്റം വരെയുള്ളത് ഞാന്‍ ഏറ്റെന്നും നിങ്ങള്‍ ആരും നോക്കണ്ട എന്നും ഗൗരിയമ്മ അറിയിച്ചു. ഈ വിഷയത്തില്‍ ഒരു പാര്‍ട്ടിക്കാരും എടപെടേണ്ടെന്നും സ്ത്രീകളെ താന്‍ തയ്യാറാക്കി കൊള്ളാമെന്നും ഗൗരിയമ്മ പറഞ്ഞു.
Post Your Comments