മെല്‍ബണ്‍: മെല്‍ബണിലെ തകർപ്പൻ ജയത്തിനു ശേഷം പ്രമുഖ താരത്തെ പുകഴ്ത്തി ഇന്ത്യൻ നായകൻ വിരാട് കോഹ്‌ലി. പരമ്പരയിലെ മികച്ച പ്രകടനത്തിലൂടെ മാച്ച് വിന്നറായി മാറിയ ജസ്പ്രീത് ബൂംമ്രയ ലോകത്തെ ഏറ്റവും മികച്ച ബൗളറെന്നായിരുന്നു മത്സരശേഷം മെല്‍ബണില്‍ കോഹ്‌ലി പറഞ്ഞത്.
കളിയോടുള്ള മനോഭാവമാണ് ബൂംമ്രയെ മറ്റ് താരങ്ങളില്‍ നിന്ന് വ്യത്യസ്തനാക്കുന്നത്. വിക്കറ്റെടുക്കാന്‍ ദുര്‍ഘടം എന്ന് തോന്നുന്ന പിച്ച് കണ്ട് കണ്ണുമിഴിക്കുന്നതിന് പകരം എങ്ങനെ വിക്കറ്റ് കൊയ്യാമെന്നും ടീമിനായി മത്സരം മാറ്റിമറിക്കാമെന്നുമാണ് ബൂംമ്ര ചിന്തിക്കുക. ഈ മനക്കരുത്ത് അദേഹത്തെ കൂടുതല്‍ അപകടകാരിയാക്കുന്നു. ഇങ്ങനെയൊരാളെ മുന്‍പ് കണ്ടിട്ടില്ലെന്നും ഇതാണ് ബൂംമ്രയുടെ വിജയത്തിന് പിന്നിലെന്നും കോഹ്‌ലി വ്യക്തമാക്കി.
മെല്‍ബണ്‍ ടെസ്റ്റില്‍ മ്ര മാന്‍ ഓഫ് ദ് മാച്ച് പുരസ്‌കാരം നേടിയിരുന്നു. ടെസ്റ്റില്‍ 86 റണ്‍സ് വഴങ്ങി ഒമ്പത് വിക്കറ്റാണ് ബൂംമ്ര വീഴ്ത്തിയത്. ഇതോടെ ഈ വര്‍ഷം ഒമ്പത് ടെസ്റ്റുകളില്‍ 48 വിക്കറ്റാണ് ബൂംമ്രയുടെ സമ്പാദ്യം.
Post Your Comments