തിരുവനന്തപുരം: സഞ്ജു സാംസണിന്റെ വിവാഹ വീഡിയോ ടീസര്‍ പുറത്ത്. അഞ്ചു വർഷത്തെ പ്രണയത്തിനൊടുവിലാണ് ക്രിക്കറ്റ് താരം സഞ്ജു സാംസൺ ചാരുലതയെ സ്വന്തമാക്കിയത്. കഴിഞ്ഞ ദിവസമായിരുന്നു തിരുവനന്തപുരം സ്വദേശി ചാരുലതയുമായിട്ടുള്ള സഞ്ജുവിന്റെ വിവാഹം.
ലളിതമായ ചടങ്ങുകളോടെയാണ് വിവാഹം നടന്നത്. വിവാഹ സല്‍ക്കാരത്തില്‍ മുന്‍ ഇന്ത്യന്‍ താരം രാഹുല്‍ ദ്രാവിഡ് ഉള്‍പ്പെടെയുള്ളവര്‍ പങ്കെടുത്തിരുന്നു.
താരത്തിന്റെ വിവാഹ വീഡിയോ ടീസര്‍ ഇപ്പോൾ പുറത്തുവന്നിട്ടുണ്ട്. 1.13 മിനിറ്റ് ദൈര്‍ഘ്യമുള്ള വീഡിയോയാണ് പുറത്തിറക്കിയിരിക്കുന്നത്. സഞ്ജു ചാരുവിന് താലി ചാര്‍ത്തുന്നതും വീട്ടിലേക്ക് കയറുന്നതുമെല്ലാം വീഡിയോയില്‍ ഉള്‍പ്പെടുത്തിയിട്ടുണ്ട്.
Post Your Comments