ശബരിമല : ശബരിമല ദർശനത്തിന് എത്തിയ യുവതികൾക്ക് നേരെ അപ്പാച്ചിമേട്ടിൽ പ്രതിഷേധം ശക്തം. കനകദുര്‍ഗ്ഗ, അഡ്വ. ബിന്ദു എന്നീ യുവതികളാണ് ഇപ്പോൾ അപ്പാച്ചിമേട്ടിൽ എത്തിയിരിക്കുന്നത്. മലപ്പുറം, കോഴിക്കോട് ജില്ലയില്‍ നിന്നുള്ള യുവതികളാണ് ഇവര്‍.
എത്ര വലിയ പ്രതിഷേധം ഉണ്ടായാലും തങ്ങൾ പിൻന്മാറില്ലെന്ന് യുവതികൾ അറിയിച്ചു. സൂപ്രീം കോടതി വിധി നടപ്പാക്കാനാണ് തങ്ങൾ എത്തിയതെന്നും മുഖ്യമന്ത്രി വാക്ക് പാലിക്കണമെന്നും യുവതികൾ പറഞ്ഞു, തങ്ങൾ നിയമം നടപ്പാക്കാൻ വന്നവരാണ് നിയമ ലംഘനം നടത്തുന്ന പ്രതിഷേധക്കാരാണ് പിന്മാറേണ്ടതെന്നും അവർ പറഞ്ഞു.
തലശേരി സ്‌കൂള്‍ ഓഫ് ലീഗല്‍ സ്റ്റഡീസ് പ്രൊഫസര്‍ ആണ് ബിന്ദു. സപ്ലൈകോ സെയില്‍സ് അസിസ്റ്റന്റ് മാനേജറാണ് കനകദുര്‍ഗ്ഗ. 45 വയസിന് താഴെയാണ് ഇവരുടെ പ്രായം. ഇരുവരും പോലീസ് സംരക്ഷണം ആവശ്യപ്പെട്ടിട്ടില്ല.എന്നാൽ ഡിവൈഎസ്പി യുടെ നേതൃത്വത്തിൽ ഇവർക്ക് സുരക്ഷയൊരുക്കുമെന്ന് പോലീസ് അറിയിച്ചു.
Post Your Comments