മലപ്പുറം: കിളിനക്കോട് പെണ്‍കുട്ടികളെ അപമാനിച്ച്‌ കമന്‍റിട്ടവരും കുടുങ്ങും. കമന്‍റിട്ടവരുടെ ലിസ്റ്റ് പൊലീസ് ശേഖരിച്ച്‌ വരുകയാണെന്ന് വേങ്ങര എസ് ഐ സംഗീത് പുനത്തില്‍ വ്യക്തമാക്കി. അതേസമയം പെണ്‍കുട്ടികള്‍ക്കുള്ള മറുപടി വീഡിയോ സോഷ്യല്‍ മീഡിയയില്‍ അപ് ലോഡ് ചെയ്ത നാല് പേര്‍ കസ്റ്റഡിയിലായി. വേങ്ങര പൊലീസാണ് ഇവരെ കസ്റ്റഡിയിലെടുത്തത്. കിളിനക്കോടില്‍ ഒരു കൂട്ടുകാരിയുടെ വിവാഹത്തില്‍ പങ്കെടുക്കാനെത്തിയതായിരുന്നു പെണ്‍കുട്ടികള്‍. വിവാഹത്തില്‍ പങ്കെടുത്തശേഷം ഗ്രാമപ്രദേശമായ കിളിനക്കോടുനിന്നും തിരിച്ച് വരാന്‍ ഇവര്‍ക്ക് വാഹന സൗകര്യം ഉണ്ടായിരുന്നില്ല. തിരിച്ച് നടക്കുന്നതിനിടെ പെൺകുട്ടികൾ വീഡിയോ എടുത്ത് തമാശ രൂപത്തില്‍ വാഹനം കിട്ടാത്തതിന്‍റെ പരിഭവം സോഷ്യൽ മീഡിയയിലൂടെ പങ്കുവെച്ചിരുന്നു. ഇതോടെ കിളിനക്കോട്ടെ ഒരു സംഘം യുവാക്കളും പ്രതികരണവുമായി എത്തുകയായിരുന്നു.
Post Your Comments