അബുദാബി: യു.എ.ഇ.യിലുള്ളവര്‍ ഈ വര്‍ഷം ഗൂഗിളില്‍ ഏറ്റവുമധികം തിരഞ്ഞത് ബോളിവുഡും സ്പോര്‍ട്‌സും നികുതിയുമായിരുന്നു. റഷ്യയില്‍ നടന്ന ഫുട്‌ബോള്‍ ലോകകപ്പ് മത്സരങ്ങളാണ് ഏറ്റവുമധികം ആളുകള്‍ ഗൂഗിളില്‍ ഇത്തവണ തിരഞ്ഞത്. ബോളിവുഡ് നടി ശ്രീദേവിയെക്കുറിച്ചും ഗൂഗിളില്‍ യു.എ.ഇ.ക്കാര്‍ അന്വേഷണം നടത്തി. ദുബായില്‍വെച്ച്‌ നടന്ന അവരുടെ മരണമാണ് യു.എ.ഇ. നിവാസികളെ ഇതിന് പ്രേരിപ്പിച്ചത്. യു.എ.ഇ.യില്‍ ജനജീവിതത്തിലും ക്രയവിക്രയങ്ങളിലും സമഗ്ര മാറ്റങ്ങള്‍ കൊണ്ടുവന്ന നികുതി സംവിധാനമായിരുന്നു കൂടുതല്‍ ആളുകള്‍ക്കും അറിയേണ്ടിയിരുന്ന മറ്റൊരു കാര്യം. അതിന്റെ സാധ്യതകളും രീതികളുമെല്ലാം ഗൂഗിള്‍ ടോപ് സെര്‍ച്ചില്‍ ഇടം പിടിച്ചു.
Post Your Comments