പുതിയ ഫീച്ചറുമായി യൂ ട്യൂബ്. അടുത്ത ആൻഡ്രോയിഡ് ആപ്പ് അപ്‌ഡേറ്റിൽ ഹോം പേജിലേക്കുള്ള ഓട്ടോ പ്ലേ ഫീച്ചറായിരിക്കും അവതരിപ്പിക്കുക. ഹോം പേജില്‍ വീഡിയോകളുടെ പല ഭാഗങ്ങൾ കൂട്ടിച്ചേർത്ത പ്രിവ്യൂ ഓട്ടോമാറ്റിക്കായി പ്ലേ ചെയ്യുന്ന വിധത്തിലായിരിക്കും ഈ ഫീച്ചർ പ്രവർത്തിക്കുക. അതോടൊപ്പം തന്നെ വീഡിയോയുടെ ശബ്ദം മ്യൂട്ട് ചെയ്യാനും വീഡിയോ ദൃശ്യത്തെക്കുറിച്ചുള്ള ലഘുവിവരണവും ലഭ്യമാക്കും.
വീഡിയോകൾ പ്ലേ ചെയ്യാതെതന്നെ അവയുടെ സംഗ്രഹം എന്താണെന്ന് മനസിലാക്കാൻ സാഹായിക്കുന്ന ഓട്ടോ പ്ലേ ഫീച്ചർ താത്പര്യമില്ലാത്തവർക്ക് അതു പ്രവർത്തന രഹിതമാക്കാൻ സാധിക്കും. വൈഫൈ ലഭ്യമാകുമ്പോള്‍ മാത്രം ഓട്ടോ പ്ലേ ഫീച്ചർ പ്രവർത്തിപ്പിക്കാനുള്ള സൗകര്യം സെറ്റിംഗ്സിൽ ഒരുക്കിയിട്ടുണ്ട്. ആദ്യം ആൻഡ്രോയിഡിൽ എത്തുന്ന ഈ ഫീച്ചർ ഐ ഫോൺ ഉപയോക്താക്കൾക്കും അടുത്ത അപ്‌ഡേഷനിലൂടെ അധികം വൈകാതെ എടുത്തമെന്നാണ് റിപ്പോർട്ട്.
Post Your Comments