ഗുവാഹത്തി•അരുണാചല്‍പ്രദേശില്‍ ഭീകരരുമായുണ്ടായ ഏറ്റുമുട്ടലില്‍ ജവാന് വീരമൃത്യു. ലാന്‍സ് നായിക് സുഹെയിന്‍ സിംഗാണ് മരിച്ചത്. മൂന്നു ജവാന്മാര്‍ക്ക് പരിക്കേല്‍ക്കുകയും ചെയ്തു. പരിക്കേറ്റവരെ ആശുപത്രിയിലേക്ക് മാറ്റി.
ശനിയാഴ്ച രാത്രിയില്‍ ലോംഗ്ഡിംഗ് ജില്ലയില്‍ ബസ്തി പ്രദേശത്താണ് ഏറ്റുമുട്ടലുണ്ടായത്. നാഷണല്‍ സോഷ്യലിസ്റ്റ് കൗണ്‍സില്‍ ഓഫ് നാഗാലാന്‍റ് (എന്‍എസ്‌സിഎന്‍) ഭീകരര്‍ സൈന്യത്തിനെ ആക്രമിക്കുകയായിരുന്നു.
സംഭവത്തിന്‌ ശേഷം കടന്നുകളഞ്ഞ ഭീകരര്‍ക്കായി സുരക്ഷാസേന തെരച്ചില്‍ ശക്തമാക്കിയിട്ടുണ്ട്.
Post Your Comments