വലിയ തയ്യാറെടുപ്പോടെ മോഷണത്തിനെത്തിയ യുവാവ് പോലീസിന്റെ പിടിയിലാകുന്ന വീഡിയോ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ജൂവലറിയിലാണ് യുവാവ് മോഷ്ടിക്കാൻ എത്തിയത്. തായ്‌ലാന്‍ഡില്‍ നടന്ന ഈ മോഷണശ്രമം നടന്നത്.
നഗരത്തിലെ ഒരു സ്വര്‍ണക്കടയില്‍ മോഷണത്തിന് കയറിയതാണ് ഈ യുവാവ്. സ്വര്‍ണം വാങ്ങാനെന്ന വ്യാജേന കടയിലേക്ക് കയറിവന്ന യുവാവ് ജീവനക്കാരനോട് മാല വാങ്ങനാണ് എത്തിയതെന്ന് അറിയിച്ചു. ഇതുപ്രകാരം ജീവനക്കാരന്‍ മാല എടുത്തുനല്‍കി. മാല വാങ്ങിയ യുവാവ് അത് കഴുത്തില്‍ അണിഞ്ഞുനോക്കിയ ശേഷം കടയില്‍ നിന്നും ഇറങ്ങി ഓടുകയായിരുന്നു.
എന്നാൽ വളരെ പെട്ടന്നുതന്നെ യുവാവിനുള്ള പണികിട്ടി. യുവാവിന്റെ പെരുമാറ്റത്തില്‍ പന്തികേട് തോന്നിയ ജീവനക്കാരന്‍, യുവാവ് അകത്ത് കയറിയപ്പോള്‍ തന്നെ ഡോര്‍ ലോക്ക് ചെയ്തിരുന്നു. നാണംകെട്ട് തിരിച്ചുവന്ന യുവാവ് മാല തിരികെയേൽപ്പിച്ചു. എന്നാല്‍ ഉടമ പോലീസില്‍ പരാതി നല്‍കിയതോടെ ഇരുപത്തേഴുകാരനായ യുവാവിനെ അറസ്റ്റ് ചെയ്യുകയായിരുന്നു.
Post Your Comments