ഹൈദരാബാദ്: തെലുങ്കാന നിയമസഭാ തെരഞ്ഞെടുപ്പില്‍ കോണ്‍ഗ്രസ് സഖ്യം വിജ‍യിക്കുമെന്ന് വ്യക്തമാക്കി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. തെലുങ്കാനയുടെ വികസനലക്ഷ്യങ്ങളെ തകര്‍ത്ത കെസിആറിനെ അധികാരത്തില്‍ നിന്നും പുറത്താക്കുകയാണ് ആദ്യ ലക്ഷ്യമെന്നും അതിനായി തങ്ങള്‍ ഒറ്റക്കെട്ടായി നിയോഗിക്കപ്പെട്ടിരിക്കുകയാണെന്നും രാഹുല്‍ വ്യക്തമാക്കി. മുഖ്യമന്ത്രി കെ. ചന്ദ്രശേഖര്‍ റാവുവിനെയും ടിആര്‍എസിനെയും അധികാരത്തില്‍നിന്നും പുറത്താക്കുമെന്നും രാഹുൽ കൂട്ടിച്ചേർത്തു.
അധികാരത്തിലെത്താന്‍ മതിയായ സീറ്റ് കോണ്‍ഗ്രസ് സഖ്യത്തിനു ലഭിക്കും. അഭിപ്രായ സര്‍വേകളും ഇക്കാര്യമാണ് പ്രവചിച്ചിരിക്കുന്നത്. തെരഞ്ഞെടുപ്പ് റാലികളില്‍ കെസിആര്‍ മോശം വാക്കുകളാണ് പ്രയോഗിക്കുന്നത്. അദ്ദേഹത്തിനു ഭയമായി തുടങ്ങിയതിന്റെ സൂചനയാണിതെന്നും രാഹുൽ ഗാന്ധി ചൂണ്ടിക്കാട്ടി.
Post Your Comments