പുതുവത്സരത്തോട് അനുബന്ധിച്ച്‌ ആഭ്യന്തര ടൂര്‍ പാക്കേജുകളുമായി ഐആര്‍സിടിസി

കൊച്ചി: പുതുവത്സരത്തോട് അനുബന്ധിച്ച്‌ ആഭ്യന്തര ടൂര്‍ പാക്കേജുകളുമായി റെയില്‍വേ കാറ്ററിംഗ് ആന്‍ഡ് ടൂറിസം കോര്‍പറേഷന്‍. വേളാങ്കണ്ണി, പുതുച്ചേരി, വിശാഖപട്ടണം, പുരി, കൊല്‍ക്കത്ത എന്നിവിടങ്ങളിലേക്കാണ് അഭ്യന്തര ടൂര്‍ പാക്കേജുകള്‍ അവതരിപ്പിച്ചിരിക്കുന്നത്. ജനുവരി 19ന് നെടുമ്ബാശേരി വിമാനത്താവളത്തില്‍ നിന്നു പുറപ്പെട്ട് 24ന് മടങ്ങിയെത്തും. വിമാന ടിക്കറ്റ്, താമസം, ഭക്ഷണം, പ്രവേശന ടിക്കറ്റുകള്‍, ടൂര്‍ ഗൈഡ്, വിസ, ഇന്‍ഷുറന്‍സ് ഉള്‍പ്പെടെ 44,800 രൂപയാണ് പാക്കേജിന്റെ നിരക്ക്.16,370 രൂപയുടെ പാക്കേജും അവതരിപ്പിച്ചിട്ടുണ്ട്. 17ന് കൊച്ചി അന്താരാഷ്ട്ര വിമാനത്താവളത്തില്‍ നിന്നു യാത്ര ആരംഭിച്ച്‌ 20നു തിരികെയെത്തും.