ന്യൂ ഡൽഹി : പ്രധാനമന്ത്രി നരേന്ദ്രമോദിയെ വിമർശിച്ച് കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി. പ്രധാനമന്ത്രി നരേന്ദ്രമോദിക്ക് ഹിന്ദുത്വത്തെക്കുറിച്ച്‌ ഒന്നും അറിയില്ല. പ്രധാനമന്ത്രി പറയുന്നു അദ്ദേഹം ഹിന്ദുവാണെന്ന്. എന്താണ് ഹിന്ദുത്വത്തിന്റെ സത്ത? എന്താണ് ഭഗവത് ഗീതയില്‍ പറയുന്നത്? ഇൗ വിവരങ്ങളെല്ലാം എല്ലാവര്‍ക്കുമറിയാം, അത് നമുക്ക് ചുറ്റിലുമായുണ്ട്.എന്നാല്‍ ഹിന്ദുത്വത്തിന്റെ അടിസ്ഥാന തത്ത്വങ്ങള്‍ പോലുംനരേന്ദ്ര മോദിക്ക് മനസിലാക്കാൻ കഴിയുന്നില്ലെന്നും ഏതു തരം ഹിന്ദുവാണ് അദ്ദേഹമെന്നും രാഹുല്‍ ഗാന്ധി വിമർശിച്ചു. തനിക്ക് എല്ലാകാര്യങ്ങളെ കുറിച്ചും വ്യക്തമായി അറിയാമെന്നും ലോകത്തെ മുഴുവന്‍ ജ്ഞാനവും അദ്ദേഹത്തിന്റെ തലയില്‍ നിന്നും വരുന്നുമെന്നുമാണ് മോദി വിശ്വസിക്കുന്നതെന്നും രാഹുല്‍ രാജസ്ഥാനില്‍ നടന്ന തിരഞ്ഞെടുപ്പ് യോഗത്തിൽ പറഞ്ഞു.
Post Your Comments