അനുഷ്കയുടെ പ്രതിമയാണെന്ന് കരുതി ഫോട്ടോയെടുക്കാൻ നിന്നു; ഒടുവിൽ ആളുകളെ അമ്പരപ്പിച്ച് അത് സംഭവിച്ചു

നടി അനുഷ്‌ക ശര്‍മ്മ സിംഗപ്പൂരിലെ പ്രശസ്തമായ വാക്‌സ് മ്യൂസിയത്തിലെത്തിയ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. കറുപ്പു നിറത്തിലുള്ള വസ്ത്രത്തില്‍ സുന്ദരിയായി വാക്‌സ് മ്യൂസിയത്തില്‍ സെല്‍ഫിയെടുക്കുന്ന പോലെ അനങ്ങാതെ നില്‍ക്കുകയാണ് അനുഷ്‌ക. ഇത് കണ്ട് പ്രതിമയാണെന്ന് കരുതി അടുത്തു ചെന്നു നിന്ന ആരാധകരെ ഞെട്ടിച്ചുകൊണ്ട് ‘പ്രതിമ’ അനങ്ങി. അത് പ്രതിമയായിരുന്നില്ലെന്നും സാക്ഷാല്‍ അനുഷ്‌കയാണെന്നും തിരിച്ചറിഞ്ഞ ആരാധകരുടെ സന്തോഷം വീഡിയോയിൽ കാണാം.