വെറുമൊരു മോഷ്ടാവായോരെന്നെ കളളിയെന്നു വിളിക്കല്ലേ; കവിത മോഷണ സംഭവത്തോട് പ്രതികരിച്ച് അഡ്വ. ജയശങ്കര്‍

യുവ കവി എസ് കലേഷിന്റെ കവിത എഴുത്തുകാരി ദീപാ നിശാന്ത് മോഷ്ടിച്ചുവെന്ന വിവാദം കൊഴുക്കെ സംഭവത്തോട് പ്രതികരിച്ച് അഡ്വ. ജയശങ്കര്‍ രംഗത്തെത്തി. ഫെയ്‌സ്ബുക്ക് പേജിലൂടെയാണ് ജയശങ്കര്‍ പ്രതികരിച്ചത്.

ജയശങ്കറിന്റെ ഫെയ്‌സ്ബുക്ക് പോസ്റ്റിന്റെ പൂര്‍ണ്ണരൂപം

വെറുമൊരു മോഷ്ടാവായോരെന്നെ കളളിയെന്നു വിളിക്കല്ലേ….

സുപ്രസിദ്ധ സാഹിത്യകാരിയും പുരോഗമന മതേതര ജനാധിപത്യ സോഷ്യലിസ്റ്റ് വിശ്വാസികളുടെ സ്‌നേഹഭാജനവും സര്‍വ്വോപരി നവോത്ഥാന നായികയുമായ ദീപാ നിഷാന്തിനെതിരെ സാഹിത്യ ചോരണം ആരോപിക്കുന്നു ചില തല്പരകക്ഷികള്‍.

എസ് കലേഷ് എന്ന അപ്രശസ്ത കവി 2011ല്‍ എഴുതി പ്രസിദ്ധീകരിച്ച ഒരു കവിത അല്ലറചില്ലറ വ്യത്യാസങ്ങള്‍ വരുത്തി ദീപ സ്വന്തം പേരില്‍ പുന:പ്രസിദ്ധീകരിച്ചു എന്നാണ് ആരോപണം.

നവോത്ഥാന വിരുദ്ധരും സാമ്രാജ്യത്വ ഫാസിസ്റ്റ് സയണിസ്റ്റ് ലോബിയുമാണ് ദീപ ടീച്ചറെ അപകീര്‍ത്തിപ്പെടുത്താന്‍ ശ്രമിക്കുന്നത്. ദീപ കോപ്പിയടിച്ചാണ് പരീക്ഷ പാസായതെന്നും കോഴ കൊടുത്താണ് ജോലി സമ്പാദിച്ചതെന്നും ഇനി ആരോപണം ഉയര്‍ന്നേക്കും.

പുരോഗമന നാട്യക്കാരായ ചില പുംഗവന്മാരും ടീച്ചറെ കല്ലെറിയുന്നു എന്നതാണ് ഏറ്റവും ഭയങ്കരമായ സംഗതി. മീടൂ ആരോപണം നേരിടുന്ന വിശ്വമഹാകവി വരെ ഇക്കൂട്ടത്തിലുണ്ട്.

ദീപാ നിഷാന്ത് ഇതുകൊണ്ടൊന്നും തളരില്ല. അവര്‍ സാമ്രാജ്യത്വത്തിനും ഫാസിസത്തിനും എതിരായ പോരാട്ടം തുടരുകതന്നെ ചെയ്യും.

# ദീപാ നിഷാന്തിനൊപ്പം
നവോത്ഥാന മൂല്യങ്ങള്‍ക്കൊപ്പം

 

https://www.facebook.com/AdvocateAJayashankar/photos/a.753112281485167/1787736231356095/?type=3&__xts__%5B0%5D=68.ARBDHRob_Bxmn29V9uu6qo8TWrtrtSEazXGpKHK96-fymEHK3QWwYmZzlKv1BZnQ0yck3gifngb0OI_chVh3ilTeicwyoMFA9r7OQFNagQ0bgoSgkfpJDfkNlm8JFt_xyiWNKqVP_xiUxkDWg1FGmt9RKPF-e8hjOt3oRIfsEzR-OR6lY2JuNWWtvqy5pGJ5ftWWohKTlzb6GLQAadCebJH-jYphZd7_WbTpEYh8fLwBViwVnMOvZQ2Y-EyHrb8R1KJiAovNUb8dDQMEdNw95MoS0-f6knJKaCAXBvy5QgfiAc2sFj9BpV7_pkvdoat6T9Q5iqK2-FZCBEnxI2CNul6tqQ&__tn__=-R