മന്നത്ത് പത്മനാഭന്റെ ചിത്രം നശിപ്പിച്ച നിലയില്‍; വീണ്ടും എന്‍എസ്എസ് കരയോഗ മന്ദിരത്തിനു നേര്‍ക്ക് ആക്രമണം

കൊട്ടാരക്കര: വീണ്ടും എന്‍എസ്എസ് കരയോഗ മന്ദിരത്തിനു നേര്‍ക്ക് ആക്രമണം. സദാനന്ദപുരത്തെ എന്‍എസ്എസ് കരയോഗ മന്ദിരത്തിനി നേരെയാണ് ചൊവ്വാഴ്ച രാത്രിയില്‍ ആക്രമണമുണ്ടായത്. മന്ദിരത്തിന്റെ കൊടിമരവും മന്ദിരത്തിനു മുന്നില്‍ പതിച്ചിരുന്ന മന്നത്ത് പത്മനാഭന്റെ ചിത്രവും നശിപ്പിച്ച നിലയിലാണ്.

ബുധനാഴ്ച രാവിലെയാണ് നാട്ടുകാര്‍ വിവരമറിയുന്നത്. സദാനന്ദപുരം 5566-ാം നമ്പര്‍ കരയോഗ മന്ദിരത്തിനു നേരെയാണ് ആക്രമണമുണ്ടായത്. കൊടിമരം പിഴുതിട്ട നിലയിലാണ്. കരയോഗ ഭാരവാഹികള്‍ വിവരമറിയിച്ചതിനെ തുടര്‍ന്ന് പോലീസ് സ്ഥലത്തെത്തി അന്വേഷണം ആരംഭിച്ചു.