കോഴിക്കോട് : കഞ്ചാവുമായി എത്തിയ യുവാവ് എക്സൈസ് സംഘത്തിന്‍റെ പിടിയില്‍. വടകര സ്വദേശിയായ നാദാപുരം വിഷ്ണുമംഗലം സ്വദേശി ചെറിയ ചെമ്പോട്ടുമ്മല്‍ അരുണി(26)നെയാണ് എക്സൈസ് സംഘം പിടികൂടിയത്. 1.2 കിലോ കഞ്ചാവുമായി വിഷ്ണു താമരശേരി ചുങ്കത്തെത്തിയപ്പോഴാണ് താമരശേരി എക്സൈസ് ഇന്‍സ്പെക്ടര്‍ പി.പി. വേണുവും സംഘവും ചേര്‍ന്ന് അറസ്റ്റ് ചെയ്തത്.
കഴിഞ്ഞ ദിവസം 2.2 കിലോ കഞ്ചാവുമായി അറസ്റ്റിലായ താമരശ്ശേരി പരപ്പന്‍പൊയില്‍ സ്വദേശി സജീഷ്‌കുമാറില്‍ നിന്നും ലഭിച്ച വിവരങ്ങളുടെ അടിസ്ഥാനത്തില്‍ നടത്തിയ നീക്കത്തിലാണ് അരുണ്‍ അറസ്റ്റിലായത്. താമരശേരി കോടതിയില്‍ ഹാജരാക്കിയ പ്രതിയെ കോടതി റിമാന്‍റ് ചെയ്തു.
Post Your Comments