ഹരിപ്പാട്: ഭൂമിക്കടിയില്‍ നിന്ന് സ്‌ഫോടന ശബ്ദം കേള്‍ക്കുന്നതയാി വീട്ടുകാരുടെ പരാതി. ഭൂമിക്കടിയില്‍ നിന്നു പടക്കം പൊട്ടുന്നതുപോലുള്ള ശബ്ദം കേള്‍ക്കുന്നുവെന്നാണ് വീട്ടുകാര്‍ വ്യക്തമാക്കിയിരിക്കുന്നത്. പള്ളിപ്പാട് നീണ്ടൂര്‍ കല്ലമ്പള്ളില്‍ പുത്തന്‍പുരയില്‍ പീടികയില്‍ പ്രഭാകരന്റെ വീട്ടിലാണ് ഈ പ്രതിഭാസം ഉണ്ടായത്. ഇതിനെ തുടര്‍ന്ന് വീടിന്റെ ടൈലുകള്‍ പൊട്ടി മാറിയിട്ടുണ്ട്.
കഴിഞ്ഞ ദിവസം രാത്രി വീട്ടുകാര്‍ ടിവി കാണുന്നതിനിടയിലാണ് ഭൂമിക്കടിയില്‍ പടക്കം പൊട്ടുന്നതു പോലെയുള്ള ശബ്ദം കേട്ടത്. പിന്നീട് 6 ടൈലുകള്‍ മുകളിലേക്ക് ഉയര്‍ന്നു പൊട്ടി. ഇത് കണ്ട് പേടിച്ച് പരിഭ്രമിച്ച വീട്ടുകാര്‍ വീടിനു പുറത്തേയ്ക്ക് ഓടുകയായിരുന്നു. പിന്നീട്
നാട്ടുകാരുടെ സഹായത്തോടെ വീടിനുള്ളില്‍ പരിശോധിച്ചെങ്കിലും കൂടുതല്‍ ടൈലുകള്‍ പൊട്ടിയിരുന്നില്ല.
എന്നാല്‍ അടുത്ത ദിവസവും ഇത് ആവര്‍ത്തിച്ചതോടെ ഇവര്‍ വില്ലേജ് ഓഫിസില്‍ പരാതി നല്‍കി. വില്ലേജ് ഓഫിസര്‍ പരിശോധന നടത്തി റിപ്പോര്‍ട്ട് കാര്‍ത്തികപ്പള്ളി തഹസില്‍ദാര്‍ക്ക് കൈമാറിയിട്ടുണ്ട്.
Post Your Comments