കൊല്‍ക്കത്ത: മദ്യലഹരിയില്‍ ട്രാഫിക് സിഗ്നല്‍ തെറ്റിച്ച്‌ അതിവേഗത്തില്‍ യുവതി ഒാടിച്ച കാറിടിച്ച് ഒരു യുവാവിന് ദാരുണാന്ത്യം. ലെതര്‍ കോപ്ലക്സില്‍ ജോലി ചെയ്ത് വന്നിരുന്ന യുവാവാണ് മരിച്ചതെന്നാണ് അറിവ് . യുവാവിനെക്കുറിച്ച് മറ്റ് വിവരങ്ങള്‍ ഒന്നുംതന്നെ ലഭ്യമായിട്ടില്ല. ഈസ്റ്റേണ്‍ മെട്രോപൊളിറ്റന്‍ ബൈപ്പാസില്‍ വച്ചായിരുന്നു അപകടം. ബസ് സ്റ്റോപ്പില്‍കാത്തുനില്‍ക്കുകയായിരുന്ന യുവാവിന്റെ നേരെ കാറിടിച്ച് കയറ്റുകയായിരുന്നു.
അതിവേഗത്തില്‍ ഒാടിച്ചുവന്ന കാര്‍ യുവാവിന് ഇടിച്ചിട്ടും നിര്‍ത്താതെ തൊട്ടടുത്തുള്ള പഞ്ചനക്ഷത്ര ഹോട്ടലിന് മുന്നിലാണ് നിര്‍ത്തിയത്. സംഭവത്തില്‍ കേസെടുത്ത് അന്വേഷണം നടത്തിയ പൊലീസ് കാര്‍ സ‍ഞ്ചരിച്ച വഴികളിലെ സിസിടിവി പരിശോധിച്ചാണ് യുവതിയെ പിടികൂടിയത്. കൊല്‍ക്കത്തയില്‍ ഫാഷന്‍ ഡിസൈനറായി ജോലി ചെയ്യുന്ന അതിഥി അഗര്‍വാളിനെ പൊലീസ് അറസ്റ്റ് ചെയ്തിരിക്കുന്നത്.
Post Your Comments