ആള്‍വാര്‍: മൂന്ന് യുവാക്കള്‍ തീവണ്ടിക്ക് മുന്നില്‍ ചാടി ആത്മഹത്യ ചെയ്തു. ഇവരോടൊപ്പം ആത്മഹത്യാശ്രമം നടത്തിയ മറ്റൊരു യുവാവിനെ പരിക്കുകളോടെ ആശുപത്രിയില്‍ പ്രവേശിപ്പിച്ചു. രാജസ്ഥാനിലെ ആള്‍വാര്‍ ജില്ലയിലാണ് സംഭവം. മനോജ്(24) സത്യാനാരായണ്‍ മീന(22) ഋതുരാജ് മീന(17) എന്നിവരാണ് മരിച്ചത്. അഭിഷേക് മീണ(22)യെ പരിക്കുകളോടെ ആശുപത്രിയില്‍ പ്രവേശിപ്പിച്ചു. തൊഴിലില്ലായ്മ മൂലം യുവാക്കള്‍ നിരാശരായിരുന്നെന്നും ഇതാണ് ആത്മഹത്യയ്ക്കു കാരണമെന്നുമാണ് പോലീസിന്റെ പ്രാഥമിക നിഗമനം.
ആറു പേര്‍ ചേര്‍ന്നാണ് ആത്മഹത്യ ചെയ്യാന്‍ തീരുമാനം എടുത്തതെന്നും മറ്റ് രണ്ട് പേര്‍ തീവണ്ടി വന്നപ്പോള്‍ പിന്മാറുകയായിരുന്നെന്നും ഇവരുടെ സുഹൃത്തുക്കള്‍ പോലീസിനു മൊഴി നല്‍കിയിട്ടുണ്ട്. മരിച്ച മനോജ് സത്യനാരായണ് എന്നിവര്‍ ബിരുദധാരികളും ഋതുരാജ് ഒന്നാം വര്‍ഷ ബി.എ വിദ്യാര്‍ത്ഥിയുമായിരുന്നു.
Post Your Comments