ശ്രീലങ്കയ്ക്ക് പരാജയം : ടെസ്റ്റ് പരമ്പര സ്വന്തമാക്കി ഇംഗ്ലണ്ട്

ശ്രീലങ്കയെ തകർത്തെറിഞ്ഞു ടെസ്റ്റ് പരമ്പര സ്വന്തമാക്കി ഇംഗ്ലണ്ട്. 57 റണ്‍സിനായിരുന്നു ജയം. രണ്ടാം ഇന്നിങ്‌സില്‍ ഇംഗ്ലണ്ട് ഉയര്‍ത്തിയ 301 റണ്‍സ് വിജയലക്ഷ്യം പിന്തുടര്‍ന്ന ശ്രീലങ്ക 243 റണ്‍സിന് പുറത്തായി. ഇംഗ്ലണ്ടിനായി ജാക്ക് ലീച്ച് അഞ്ചു വിക്കറ്റും, മൊയീന്‍ അലി നാല് വിക്കറ്റും സ്വന്തമാക്കി. എയ്ഞ്ചലോ മാത്യൂസാണ്(88 റൺസ്) ഭേദ്ദപ്പെട്ട സ്കോറിലെത്തിക്കാൻ ലങ്കയെ സഹായിച്ചത്.

ഏഴ് വിക്കറ്റ് നഷ്ടത്തില്‍ 226 റണ്‍സെന്ന നിലയിലായിരുന്നു നാലാം ദിനം കളി നിര്‍ത്തുമ്പോള്‍ ശ്രീലങ്ക. 75 റണ്‍സായിരുന്നു മൂന്ന് വിക്കറ്റ് ശേഷിക്കെ പരമ്പരയില്‍ ഒപ്പമെത്താന്‍ ലങ്കയ്ക്ക് വേണ്ടിയത്. എന്നാൽ 18 റണ്‍സെടുക്കുന്നതിനിടെ ലങ്കയുടെ ശേഷിക്കുന്ന വിക്കറ്റുകള്‍ കൂടി നഷ്ടമായി. കരുണരത്‌നെ അര്‍ധസെഞ്ചുറി(57) നേടിയെങ്കിലും സില്‍വ(4), ഡിസില്‍വ(1), മെന്‍ഡിസ്(1) എന്നിവര്‍ എളുപ്പം മടങ്ങി. 20 പന്തുകളില്‍ മാത്യൂസിന്റേയും ദില്‍റുവാന്‍ പേരേരയുടെയും വിക്കറ്റുകള്‍ കൂടി നഷ്ടമായതോടെയാണ് തകർച്ചയിലേക്ക് ശ്രീലങ്ക വീണത്.