കുവൈത്ത്: കുവൈത്തിൽ പ്രളയത്തിൽ അകപ്പെട്ടുപോയ പ്രവാസി കുടുംബത്തിന് രക്ഷകനായത് കുവൈത്ത് സ്വദേശി. ഷോപ്പിംഗ് പൂര്‍ത്തിയാക്കി താമസസ്ഥലത്തേക്ക് പോകുന്ന വഴിയില്‍ ചങ്ങനാശ്ശേരി തൃക്കൊടിത്താനം സ്വദേശി ടെറന്‍സും ഭാര്യ പ്രിയയും ഒരു വയസ്സുകാരിയായ മകള്‍ ഹെയ്തലും പ്രളയത്തിലകപ്പെടുകയായിരുന്നു.
കാര്‍ അല്പം പോലും നീങ്ങാന്‍ കഴിയാത്ത അവസ്ഥയിലായതിനെതുടര്‍ന്ന് പല കാറുകൾക്ക് മുമ്പിലും കൈകാണിച്ചുവെങ്കിലും ആരും നിർത്തിയില്ല. സ്വദേശികൾ താമസിക്കുന്ന സ്ഥലമായതിനാൽ മറ്റു വാഹനങ്ങൾ ലഭിച്ചതുമില്ല. ഒടുവിൽ അഭ്യര്‍ത്ഥന നിരസിച്ച്‌ മുന്നോട്ട് പോയ ഒരു വാഹനം തിരികെ വരികയായിരുന്നു.
താമസസ്ഥലത്തേക്ക് എത്താന്‍ കഴിഞ്ഞില്ലെങ്കില്‍ തന്റെ വീട്ടില്‍ താമസിക്കാനുള്ള സൗകര്യങ്ങള്‍ ചെയ്യാമെന്നും ആ സ്വദേശി ഉറപ്പ് നല്‍കി. ഒടുവില്‍ ദുരിത വഴികളിലൂടെ അദ്ദേഹം ടെറന്‍സിനെയും കുടുംബത്തെയും ലക്ഷ്യസ്ഥാനത്തെത്തിക്കുകയായിരുന്നു. മകള്‍ ഹെയ്സലിന് സ്നേഹ ചുംബനവും നല്‍കി സ്വദേശിയായ അദ്ദേഹം തിരിച്ച്‌ പോയി. പേരറിയാത്ത അദ്ദേഹത്തിന് നന്ദി പറയയാന്‍ കാത്തിരിക്കുകയാണ് ഈ മലയാളി കുടുംബം.
Post Your Comments