നടന്‍ വിജയ്‌യ്ക്കെതിരെ കേരള ആരോഗ്യവകുപ്പ് കേസെടുത്തു: രണ്ടുവര്‍ഷം വരെ തടവ് ലഭിക്കാവുന്ന കുറ്റം

തൃശൂര്‍•തമിഴ്നടന്‍ നടന്‍ വിജയ്‌യ്ക്കെതിരെ സംസ്ഥാന ആരോഗ്യവകുപ്പ് കേസെടുത്തു. വിജയ്‌ നായകനായ സര്‍ക്കാര്‍ സിനിമയുടെ പു​ക​വ​ലി​ക്കു​ന്ന ദൃശ്യമുള്ള പോ​സ്റ്റ​ര്‍ പൊതുസ്ഥലത്ത് പ്രദര്‍ശിപ്പിച്ചതിനാണ് കേസെടുത്തത്. നടന് പുറമേ സി​നി​മ​യു​ടെ നി​ര്‍​മാ​താ​വ്, വി​ത​ര​ണ​ക്കാ​ര്‍, പോ​സ്റ്റ​ര്‍ പ്ര​ദ​ര്‍​ശി​പ്പി​ച്ച തി​യ​റ്റ​ര്‍ എ​ന്നി​വ​ര്‍​ക്കെ​തിയും കേസെടുത്തിട്ടുണ്ട്. കേ​ന്ദ്ര പു​ക​യി​ല നി​യ​ന്ത്ര​ണ നി​യ​മ​പ്ര​കാ​രമാണ് കേ​സെ​ടുതിരിക്കുന്നത്.

സി​നി​മ​യു​ടെ പോ​സ്റ്റ​റി​ല്‍ വി​ജ​യ് പു​ക​വ​ലി​ക്കു​ന്ന രം​ഗ​ങ്ങ​ളു​ണ്ട്. ഇ​ത് ആ​രാ​ധ​ക​ര്‍​ക്കും പു​ക​വ​ലി പ്ര​ചോ​ദ​ന​മാ​വു​മെ​ന്നു ചൂ​ണ്ടി​ക്കാ​ട്ടി നി​ര​വ​ധി പ​രാ​തി​ക​ള്‍ ജി​ല്ലാ ആ​രോ​ഗ്യ​വ​കു​പ്പി​നും ല​ഭി​ച്ച​തി​നെ​തു​ട​ര്‍​ന്ന് ഡി.​എം.​ഒ ഡോ. ​കെ.​ജെ. റീ​ന അ​ന്വേ​ഷ​ണ​ത്തി​ന് ഉ​ത്ത​ര​വി​ടു​ക​യാ​യി​രു​ന്നു. തീയറ്ററില്‍ നിന്നും പിടിച്ചെടുത്ത സിനിമയുടെ പോസ്റ്ററുകള്‍ കോടതിയില്‍ ഹാജരാക്കും.

2003 ലെ ​കേ​ന്ദ്ര​നി​യ​മ​പ്ര​കാ​രം പു​ക​യി​ല പ്ര​ച​രി​പ്പി​ക്കു​ന്ന പോ​സ്റ്റ​റു​ക​ള്‍ പൊ​തു​സ്ഥ​ല​ങ്ങ​ളി​ല്‍ പ​തി​ക്കാ​ന്‍ പാ​ടി​ല്ല. സി​നി​മ​യി​ല്‍ ഇ​ത്ത​രം ഭാ​ഗം നിയന്ത്രണത്തിന് വി​ധേ​യ​മാ​യി, മുന്നറിയിപ്പോടെ കാ​ണി​ക്കാം. ര​ണ്ടു​വ​ര്‍​ഷം​വ​രെ ത​ട​വും ആ​യി​രം രൂ​പ പി​ഴ​യും ല​ഭി​ക്കാ​വു​ന്ന കു​റ്റ​മാ​ണി​ത്.