സന്നിധാനം: ഭക്തര്‍ക്ക് സുഗമമായി ദര്‍ശനം നടത്താനുള്ള എല്ലാ സൗകര്യങ്ങളും പോലീസ് ഒരുക്കിയിട്ടുണ്ട്. പമ്പയിലും നിലയ്ക്കലും സന്നിധാനത്തുമായി 1000 ത്തോളം പോലീസ് ഉദ്യോഗസ്ഥരെയാണ് സജ്ജമാക്കിയിരിക്കുന്നത്. ആയതിനാല്‍ തന്നെ ശബരിമല ദര്‍ശനത്തിന് വരുന്ന ഭക്തര്‍ക്ക് യാതൊരുവിധ തടസങ്ങളും നേരിടേണ്ടി വരില്ലായെന്ന് സുരക്ഷാ ചുമതലയുള്ള ഐജി എം.ആര്‍ അജിത് കുമാര്‍ അറിയിച്ചു. പഴയ കാലങ്ങളില്‍ എങ്ങനെയാണോ ഭക്തര്‍ ശബരിമലയില്‍ ദര്‍ശനവും മറ്റ് പൂജാവിധികളും നടത്തിയത് അതുപോലെ തന്നെ ഭക്തര്‍ക്ക് ഇത്തവണയും ചെയ്യാന്‍ കഴിയുമെന്നും അവരുടെ മേല്‍ യാതൊരു നിയന്ത്രണവും ചുമത്തിയിട്ടില്ലായെന്ന് എെജി പറഞ്ഞു. പോലീസിന്‍റെ സുരക്ഷാ ക്രമീകരണങ്ങള്‍ തുടര്‍ന്നുളള 3 ദിവസങ്ങളിലും തുടരുമെന്നും എെജി കൂട്ടിച്ചേര്‍ത്തു.
Post Your Comments