ന്യൂഡല്‍ഹി: എകെ 47ല്‍ നിന്ന് വെടിയുതിര്‍ക്കും പോലെയാണ് പ്രതിപക്ഷം നുണകളുണ്ടാക്കുന്നതെന്ന് പ്രധാനമന്ത്രി നരേന്ദ്ര മോദി. പ്രതിപക്ഷത്തെ ചില നേതാക്കള്‍ കള്ളം പറയുന്ന യന്ത്രങ്ങളാണെന്നും അദ്ദേഹം പറഞ്ഞു. കൂടാതെ പ്രതിപക്ഷം അവരുടെ ഭരണവംശത്തെ നിലനിര്‍ത്താന്‍ ശ്രമിക്കുമ്പോള്‍ ബിജെപി രാജ്യത്തിന്റെ തലയെഴുത്ത് മാറ്റാനാണ് ശ്രമിക്കുന്നതെന്നും മോദി വ്യക്തമാക്കി.
അതേസമയം ബിജെപി പ്രവര്‍ത്തകര്‍ പ്രതിപക്ഷത്തെ കുറിച്ച് ചിന്തിച്ച് വ്യാകുലപെടേണ്ടതില്ലെന്നും അവര്‍ രാജ്യത്തിനെതിരെ ചെയ്യുന്ന പ്രവര്‍ത്തികള്‍ മനസ്സിലാക്കികൊണ്ടു തന്നെ ജനങ്ങള്‍ അവരെ വെറുക്കുമെന്നും മോദി പറഞ്ഞു. പ്രതിപക്ഷ പാര്‍ട്ടികള്‍ സഖ്യരൂപവത്കരണം നടത്തുന്നതിനേക്കുറിച്ചുള്ള വീഡിയോ കോണ്‍ഫറന്‍ില്‍ പ്രതികരിക്കവേയാണ് അദ്ദേഹം ഇക്കാര്യങ്ങള്‍ വ്യക്തമാക്കിയത്.
ഓരോ ദിവസവും നിലപാട് മാറ്റുന്ന പ്രതിപക്ഷമുള്ളപ്പോള്‍ ബിജെപി വേണം ശരിയായ വാര്‍ത്തകള്‍ ജനങ്ങളിലെത്തിക്കാന്‍ എന്നും അദ്ദേഹം പറഞ്ഞു. സത്യം ജനങ്ങളിലേക്ക് എത്തിക്കുമ്പോള്‍ ഓരോ ബിജെപി പ്രവര്‍ത്തകന്റെയും ആത്മവിശ്വാസം പല മടങ്ങ് വര്‍ധിക്കുമെന്നും അദ്ദേഹം കൂട്ടിച്ചേര്‍ത്തു.
Post Your Comments