ഐഎസ്എല്ലിലെ നിലവാരമില്ലാത്ത റഫറിയിങിനെ വിമർശിച്ച് കേരള ബ്ലാസ്റ്റേഴ്സ് താരം സി.കെ വിനീത് രംഗത്ത്. കഴിഞ്ഞ രണ്ടു സീസണിലും ഇന്ത്യൻ റഫറിമാരുടെ പ്രകടനത്തിനെതിരെ ഒട്ടേറെ വിമർശനങ്ങളുയർന്നിരുന്നു. ചില പ്രത്യേക ടീമുകൾക്ക് അനുകൂലമായി ചില റഫറിമാർ തീരുമാനം എടുക്കുന്നതായായിരുന്നു ആരോപണം. എന്നാൽ ഇത്തവണ ബ്ലാസ്റ്റേഴ്സ്- പൂനെ മത്സരത്തിനിടെയുണ്ടായ സംഭവമാണ് ചർച്ചയായിരിക്കുന്നത്.
കേരളത്തിൻറെ ഉറച്ച വിജയം റഫറിയുടെ പിഴവുകൾ കൊണ്ട് നിഷേധിക്കപ്പെടുകയായിരുന്നു. എന്നാൽ ഇതിനെതിരെ ബ്ലാസ്റ്റേഴ്സ് ഐഎസ്എൽ മാനേജ്മെൻറിന് പരാതി നൽകുമെന്നാണ് സൂചനകൾ. വിവാദങ്ങൾ ഉയർന്നതോടെ വിഎആറും ഗോൾലൈൻ ടെക്നോളജിയും അടക്കമുള്ള സാങ്കേതിക വിദ്യകൾ ഐഎസ്എല്ലിലും നടപ്പാക്കണമെന്ന് ആവശ്യമുയർന്നിരിക്കുകയാണ്.
Post Your Comments