ജനങ്ങളെ ഭീതിയിലാഴ്ത്തി വീണ്ടും പുലി: നായയെ കടിച്ചു കൊന്നു

പുനലൂര്‍: ജനവാസകേന്ദ്രത്തില്‍ വീണ്ടും പുലിയിറങ്ങി. ഒറ്റക്കല്ലിലാണ് പുലി ഇറങ്ങിയത്. തുടര്‍ന്ന് വീട്ടിലെ വളര്‍ത്തുനായയെ കടിച്ചു കൊല്ലുകയും ചെയ്തു. ഉറുകുന്ന് പ്രിയദര്‍ശിനി നഗര്‍ ചരുവിള പുത്തന്‍ വീട്ടില്‍ സിന്ധുവിന്റെ വളര്‍ത്തു നായെയാണ് പുലി കടിച്ചു കൊന്നത്.

ഇന്നലെ പുലര്‍ച്ചെ 2.45നായിരുന്നു പുലി ഒറ്റക്കല്‍ പ്രദേശത്ത് എത്തിയത്. വീട്ടിലുള്ളവര്‍ പുലിയുടെ ശബ്ദം കേട്ടെങ്കിലും പേടിച്ച് പുറത്തേക്കിറങ്ങിയില്ല. തുടര്‍ന്ന് രാവിലെ നായയെ പുലി കടിച്ചു കൊന്ന നിലയില്‍ കണ്ടെത്തുകയായിരുന്നു. തെന്മല, ആര്യങ്കാവ് പഞ്ചായത്ത് കളില്‍ 80 ഓളം വളര്‍ത്തു മൃഗങ്ങളെ ഇതിനകം പുലി കൊന്നു ഭക്ഷിച്ചിട്ടുണ്ട്