രണ്ട് സംഘങ്ങള്‍ തമ്മില്‍ സംഘര്‍ഷം, വെടിവെപ്പ്

പാട്ന•പ്രാദേശിക പ്രശ്നത്തെചൊല്ലി നഗരത്തില്‍ രണ്ട് ഗ്രൂപ്പുകള്‍ തമ്മിലുണ്ടായ ഏറ്റുമുട്ടലിലും വെടിവെപ്പിലും ഒരാള്‍ക്ക് പരിക്കേറ്റു.

സംഭവത്തില്‍ ഒരാളെ അറസ്റ്റ് ചെയ്തതായും ആറുപേരെ കസ്റ്റഡിയില്‍ എടുത്തതായും പോലീസ് പറഞ്ഞു.

ഞായറാഴ്ച വൈകുന്നേരം ഇ-റിക്ഷാ ഉടമകളും ഒരു നാലുചക്ര വാഹന ഉടമകളും തമ്മില്‍ രാജേന്ദ്ര നഗറില്‍ വച്ച് വാക്ക് തര്‍ക്കമുണ്ടായിരുന്നു. പ്രശ്നം പോലീസ് ഇടപെട്ട് പരിഹരിക്കുകയും ചെയ്തിരുന്നു. എന്നാല്‍, പിന്നീട് സംഘടിച്ചെത്തിയ ഒരു സംഘം ചില വീടുകള്‍ ആക്രമിക്കുകയും പുറത്ത് നിന്ന ആളുകളെ മര്‍ദ്ദിക്കുകയും പെണ്‍കുട്ടികളെ ശല്യം ചെയ്യുകയും ചെയ്തു.

തുടര്‍ന്ന്, പ്രദേശത്തെ ആളുകള്‍ സംഘടിച്ച് ഇവര്‍ക്കെതിരെ തിരിച്ചടിയ്ക്കുകയായിരുന്നു . കല്ലേറിന് പുറമേയുണ്ടായ 8-10 റൗണ്ട് വെടിവെപ്പില്‍ ഒരു 16 കാരന് പരിക്കേറ്റതായി പോലീസ് പറഞ്ഞു.