ശബരിമലയില്‍ സംഘര്‍ഷത്തിന് നേതൃത്വം നല്‍കിയവരുടെ ചിത്രങ്ങള്‍ പൊലീസ് പുറത്തുവിട്ടു : ഇവരെ തിരിച്ചറിയാന്‍ എല്ലാ ജില്ലകളിലേയ്ക്കും അയച്ചു

തിരുവനന്തപുരം: ശബരിമലയില്‍ സംഘര്‍ഷത്തിന് നേതൃത്വം നല്‍കിയവരുടെ ചിത്രങ്ങള്‍ പൊലീസ് പുറത്തുവിട്ടു. ശബരിമലയില്‍ മല ചവിട്ടാനെത്തിയ സ്ത്രീകളെ തടയുകയും ആക്രമണം അഴിച്ചുവിടുകയും ചെയ്തവരുടെ ചിത്രങ്ങളാണ് പൊലീസ് പുറത്തുവിട്ടിരിക്കുന്നത്. ആല്‍ബം രൂപത്തില്‍ തയാറാക്കിയിരിക്കുന്ന ചിത്രങ്ങള്‍ വിവിധ ജില്ലകളിലേക്ക് അയച്ച് നല്‍കി, പ്രത്യേക സംഘത്തെ നിയോഗിച്ച് പിടികൂടാനാണ് തീരുമാനം. 200 ഓളം പേരുടെ ചിത്രങ്ങളാണ് പൊലീസ് പുറത്തുവിട്ടത്

നിലയ്ക്കലിലുണ്ടായ സംഘര്‍ഷത്തിന് നേതൃത്വം നല്‍കിയവരെയും യുവതികളുമായി മലചവിട്ടിയപ്പോള്‍ തടഞ്ഞവരെയും ഏത് വിധേനയും പിടികൂടുകയെന്നാണ് പൊലീസ് തീരുമാനം.ശബരിമലയിലെ വിവിധ കേസുകളില്‍ പൊലീസ് തേടുന്ന ഇവരെ തിരിച്ചറിയുന്ന പൊതുജനങ്ങള്‍ക്ക് വിവരം കൈമാറാനാകും. ഇതിനായി 9497990030, 9497990033 എന്നീ നമ്പറുകളില്‍ ബന്ധപ്പെടുക.