മട്ടന്നൂര്‍: ഡിസംബര്‍ ഒമ്പതിന് ഉദ്ഘാടനം ചെയ്യുന്ന കണ്ണൂര്‍ അന്താരാഷ്ട്ര വിമാനത്താവളത്തില്‍ നിന്നും സര്‍വീസ് നടത്തുന്ന് എയര്‍ഇന്ത്യ എക്സ്പ്രസ് വിമാനങ്ങളിലേക്കുള്ള ബുക്കിങ് ഈയാഴ്ച തുടങ്ങും. എയര്‍ഇന്ത്യ എക്‌സ്പ്രസിന്റെ സര്‍വീസ് സംബന്ധിച്ച സമയപ്പട്ടികയ്ക്ക് രണ്ടു ദിവസത്തിനകം അംഗീകാരം ലഭിക്കുമെന്നാണ് പ്രതീക്ഷിക്കുന്നത്. ഡയരക്ടര്‍ ജനറല്‍ ഓഫ് സിവില്‍ ഏവിയേഷന്‍ (ഡി.ജി.സി.എ.) ആണ് അംഗീകാരം നല്‍കുന്നത്. ഇതുബന്ധപ്പെട്ട് അറിയിപ്പ് ലഭിക്കുന്ന മുറയ്ക്ക് റിസര്‍വേഷന്‍ നടപടികള്‍ തുടങ്ങാനാണ് തീരുമാനം.
ഡിസംബര്‍ ഒമ്പതിന് ആദ്യ സര്‍വീസ്് അബുദാബിയിലേക്ക് നടത്താനാണ് ധാരണയായത്. ഇത് സംബന്ധിച്ച് പ്രഖ്യാപനം ഉടനുണ്ടാകും. കൂടാതെ റിയാദ്, മസ്‌കറ്റ്, ദുബായ്, ഷാര്‍ജ, ദോഹ എന്നിവിടങ്ങളിലേക്കും തുടക്കം മുതല്‍ സര്‍വീസുകളുണ്ടാകും. ദിവസവും നാല് അന്താരാഷ്ട്ര സര്‍വീസുകളാകും എയര്‍ഇന്ത്യ എക്സ്പ്രസ് നടത്തുക.
Post Your Comments