വിദ്യാര്‍ത്ഥികള്‍ക്കായി ചിത്രരചനാ മത്സരം സംഘടിപ്പിക്കുന്നു

തിരുവനന്തപുരം :   സംസ്ഥാന ഭൂവിനിയോഗ ബോര്‍ഡ് സ്‌കൂള്‍ വിദ്യാര്‍ത്ഥികള്‍ക്കായി ചിത്രരചനാ മത്സരം സംഘടിപ്പിക്കുന്നു. ഭൂവിഭവ സംരക്ഷണ ബോധവല്‍ക്കരണ പരിപാടികളുടെ ഭാഗമായാണ് ചിത്രരചന മല്‍സരം സംഘടിപ്പിക്കുന്നത്. നവംബര്‍ 3 നാണ് മല്‍സരം. എറണാകുളം മറൈന്‍ ഡ്രൈവിലെ സുബാഷ് പാര്‍ക്കില്‍ എല്‍.പി, യു.പി, ഹൈസ്‌കൂള്‍ വിഭാഗങ്ങളായിട്ടായിരിക്കും പ്രത്യേകം മത്സരങ്ങള്‍ നടക്കുന്നത്.

പങ്കെടുക്കാന്‍ ആഗ്രഹിക്കുന്നവര്‍ സ്കൂള്‍ തിരിച്ചറിയല്‍ കാര്‍ഡും ചിത്രരചനയ്ക്ക് ആവശ്യമായ സാമഗ്രികളുമായി രാവിലെ 9 മണിക്കാണ് എത്തിച്ചേരേണ്ടത്. വരയ്ക്കുന്നതിനാവശ്യമായ ഡ്രോയിംഗ് പേപ്പര്‍ രജിസ്‌ട്രേഷനു ശേഷം നല്‍കും. എല്‍.പി വിഭാഗത്തിന് ക്രയോണും യു.പി, എച്ച്‌.എസ് വിഭാഗങ്ങള്‍ക്ക് വാട്ടര്‍ കളറുമാണ് ഉപയോഗിക്കേണ്ടത്.

മത്സരത്തില്‍ പങ്കെടുക്കുന്നവര്‍ സ്‌കൂള്‍ അധികൃതര്‍ മുഖേനയോ ഫോണിലൂടെയോ നേരിട്ടോ ബന്ധപ്പെടണം. വിലാസം: ഭൂവിനിയോഗ കമ്മീഷണര്‍, കേരള സംസ്ഥാന ഭൂവിനിയോഗ ബോര്‍ഡ്, വികാസ് ഭവന്‍, തിരുവനന്തപുരം – 695033, ഫോണ്‍ – 0471-2302231, 2307830. ഇ-മെയില്‍: landuseboard@yahoo.com വെബ് സൈറ്റ്: www.kslub.kerala.gov.in.