പത്തനംതിട്ട: ശബരിമല സ്ത്രീപ്രവേശന വിഷയത്തില്‍ നിലക്കലില്‍ യുവതിയുടെ ആത്മഹത്യാശ്രമം. ആചാരങ്ങള്‍ സംരക്ഷിക്കുന്നതിനായി ജീവത്യാഗം ചെയ്യുമെന്ന് പ്രഖ്യാപിച്ചാണ് റബര്‍ മരത്തില്‍ കയര്‍ കെട്ടി ആത്മഹത്യാ ഭീഷണി. നിലയ്ക്കലില്‍ നാമജപയജ്ഞ സംഘത്തില്‍പ്പെട്ട രത്‌നമ്മ എന്ന സ്ത്രീയാണ് ആത്മഹത്യ ചെയ്യാന്‍ ശ്രമിച്ചത്. പോലീസ് എത്തി ഇവരെ പിന്‍തിരിപ്പിച്ചു . ഒരാഴ്ചയായി നാമജപയജ്ഞവുമായി സ്ത്രീകളുള്‍പ്പെടെയുള്ള പ്രതിഷേധക്കാര്‍ ഇവിടെ പ്രതിഷേധം തുടരുകയാണ്.
പ്രതിഷേധം കനക്കുന്ന സാഹചര്യത്തില്‍ സ്ഥിതി വിലയിരുത്താന്‍ ഡിജിപിയുടെ നിര്‍ദ്ദേശ പ്രകാരം എഡിജിപി അനില്‍ കാന്ത് നിലയ്ക്കലിലേക്ക് തിരിച്ചു. സംഭവത്തെ തുടര്‍ന്ന് പത്തംഗ വനിതാപോലീസ് സംഘത്തെ ഇവിടേക്ക് അടിയന്തരമായി നിയോഗിച്ചിട്ടുണ്ട്.
Post Your Comments