കാറോട്ടതിനിടെ അപകടം; യുവാവിന് ദാരുണാന്ത്യം; വീഡിയോ

ഉമ്മുൽഖുവൈൻ:  കാർ ഒാട്ടത്തിനിടെ സ്വദേശി യുവാവ് അപകടത്തിൽ മരിച്ചു. ഉമ്മുൽഖുവൈൻ മോട്ടോർപ്ലക്സ് റേസ് ട്രാക്കിൽ വെള്ളിയാഴ്ച രാത്രി 10.15നായിരുന്നു അപകടം. കൽബ സ്വദേശിയായ 23 കാരനാണ് മരിച്ചതെന്ന് ട്രാഫിക് ആൻഡ‍് പട്രോൾസ് വിഭാഗം ഡയറക്ടർ കേണൽ സഇൗദ് ഉബൈദ് ബിൻ അറാൻ പറഞ്ഞു.

മറ്റൊരു വാഹനത്തോടൊപ്പം മത്സരിച്ചുപാഞ്ഞ യുവാവിന്റെ ഫോർവീലർ അരികിലെ മതിലിലിടിച്ച് തകരുകയായിരുന്നു. അപകട സ്ഥലത്ത് തന്നെ മരണം സംഭവിച്ചു. വാഹനം പൂർണമായും തകർന്നു. മൃതദേഹം പിന്നീട് ഉമ്മുൽഖുവൈൻ ഷെയ്ഖ് ഖലീഫ ആശുപത്രിയിൽ എത്തിച്ചു.