നീലേശ്വരം: തോട്ടിലെ കയത്തില്‍വീണ വിദ്യാര്‍ത്ഥിക്ക് രക്ഷകരായത് ഓട്ടോഡ്രൈവര്‍മാര്‍. മലപ്പച്ചേരി മുടിക്കാനത്തെ ഹുസൈന്റെ മകനും ചായ്യോം ഗവ. ഹയര്‍ സെക്കന്‍ഡറി സ്‌കൂളിലെ ഏഴാം ക്ലാസ് വിദ്യാര്‍ത്ഥിയുമായ ഉബൈബിനെ (12) യാണ് ഓട്ടോഡ്രൈവര്‍മാര്‍ രക്ഷപെടുത്തിയത്.
ചായ്യോം മാനൂരിചാലില്‍ മറ്റു രണ്ടു സുഹൃത്തുക്കള്‍ക്കൊപ്പം കുളിക്കാനിറങ്ങിയതായിരുന്നു ഉബൈബ്. ഇതിനിടെയാണ് കയത്തില്‍വീണത്. നിലവിളി കേട്ട് ഓടിയെത്തിയ ചായ്യോത്ത് ഓട്ടോസ്റ്റാന്‍ഡിലെ ഡ്രൈവര്‍മാരായ പി സുധീഷ് കുമാര്‍, കെ രജീഷ് എന്നിവര്‍ ചേര്‍ന്ന് ഉബൈബിനെ സാഹസികമായി രക്ഷപ്പെടുത്തുകയായിരുന്നു. തുടര്‍ന്ന് ഇവര്‍ തന്നെ ഉബൈബിനെ ഇവരുടെ ഓട്ടോില്‍ ആശുപത്രിയിലെത്തിച്ചു.
Post Your Comments