നിയന്ത്രണംവിട്ട് ലോറി കാട്ടിലേക്ക് മറിഞ്ഞുണ്ടായ അപകടത്തില്‍ അഞ്ചു പേര്‍ മരിച്ചു

പാലക്കാട്: നിയന്ത്രണംവിട്ട് ലോറി കാട്ടിലേക്ക് മറിഞ്ഞുണ്ടായ അപകടത്തില്‍ അഞ്ചു പേര്‍ മരിച്ചു. കഴിഞ്ഞ ദിവസം രാത്രി 12 മണിയോടെയാണ് അപകടമുണ്ടായത്. വാല്‍പ്പാറ പൂനാച്ചി ആദിവാസി കോളനിക്കു സമീപമാണ് അപകടം നടന്നത്. അപകടത്തില്‍ മാവടപ്പ് ആദിവാസി കോളനി നിവാസികളായ സെല്‍വി (40), വെള്ളയന്‍ (45), രാമന്‍ (45), തെന്നാസി (34), മലയപ്പന്‍ (40) എന്നിവരാണ് മരിച്ചത്.

അപകടത്തില്‍ 12 പേര്‍ക്ക് പരിക്ക് ഏല്‍ക്കുകയും ചെയ്തിരുന്നു. പരിക്കേറ്റവരില്‍ മൂന്നുപേരുടെ നില ഇപ്പോഴും ഗുരുതരാവസ്ഥയിലാണ്. പരിക്കേറ്റവരെ കോയമ്പത്തൂര്‍ സര്‍ക്കാര്‍ ആശുപത്രിയില്‍ പ്രവേശിപ്പിച്ചിരിക്കുകയാണ്.