കാസർ​ഗോഡിന്റെ ഭം​ഗിക്ക് മാറ്റുകൂട്ടാനെത്തുന്നു മുള

കുമ്പള: ഇനി കാസർ​ഗോഡിന്റെ ഭം​ഗിക്ക് മാറ്റുകൂട്ടാനെത്തുന്നത് മുളകൾ. കാസർഗോഡിനെ മുളയുടെ തലസ്ഥാനമാക്കി മാറ്റുന്നതിനുള്ള സമഗ്ര പദ്ധതി തയ്യാറായി .

ഇത്തരത്തിൽ മുള വച്ച് പിടിപ്പിക്കുന്നതു വഴി പരിസ്ഥിതി സംരക്ഷണത്തിനും ജലക്ഷാമം പരിഹരിക്കുന്നതിന്നും മുളയനുബന്ധ വ്യവസായങ്ങൾ പ്രോത്സാഹിപ്പിക്കുന്നതിനും സഹായ കരമാകും.

കാസർ​ഗോഡ് ജില്ലയിൽ വൻതോതിൽ മുള വച്ചുപിടിപ്പിക്കുകയെന്ന കളക്ടർ ഡോ.സജിത്‌ബാബുവിന്റെ ആശയം പ്രായോഗികമാക്കുന്നതിനുള്ള നടപടികളാണ് ആരംഭിച്ചത്.

മുളകൾ വച്ചുപിടിപ്പിക്കുന്നത് ആദ്യഘട്ടത്തിൽ കാസർകോട് ബ്ലോക്കിലെ ബദിയടുക്ക, കുമ്പള, മൊഗ്രാൽ-പുത്തൂർ, മധൂർ, ചെങ്കള, ചെമ്മനാട് ഗ്രാമപ്പഞ്ചായത്തുകളിലും മഞ്ചേശ്വരം ബ്ലോക്കിലെ മഞ്ചേശ്വരം, മംഗൽപാടി, വൊർക്കാടി, എൻമകജെ, മീഞ്ച, പുത്തിഗെ, പൈവളിഗെ ഗ്രാമപ്പഞ്ചായത്തുകളിലുമാണ് മുളവത്കരണം നടത്തുന്നത്.