പൊന്നാനി: ന്യൂനമർദ്ദത്തെ തുടർന്ന് രൂക്ഷമായ കടലാക്രമണത്തിൽ ഭയന്ന് പൊന്നാനിയിലെ കുടുംബങ്ങൾ .ലൈറ്റ് ഹൗസ് പരിസരത്തെ കുടുംബങ്ങളാണ് കടലാക്രമണത്തിൽ ഭയന്ന് കഴിയുന്നത്.
ന്യൂനമർദ്ദത്തെ തുടർന്ന് പൊന്നാനി ലൈറ്റ് ഹൗസ് പരിസരത്ത് വേലിയേറ്റ സമയത്തുണ്ടായ കടലാക്രമണത്തിൽ നാലു വീടുകളിലേക്കാണ് വെള്ളം കയറിക്കൊണ്ടിരുന്നത്. ലൈറ്റ് ഹൗസിന് സമീപം താമസിക്കുന്ന താഴത്തേൽ നഫീസ, കോയാലിക്കാനകത്ത് സുബൈർ, കമ്മാലിക്കാനകത്ത് നബീസു, ബപ്പങ്ങാനകത്ത് അസൈനാർ എന്നിവരുടെ വീടുകളിലേക്കാണ് കടൽവെള്ളം രാത്രിയിലും രാവിലെയുമായി ഇരച്ചുകയറുന്നത്.
ഇവിടെ കടൽഭിത്തിയില്ലാത്ത ഭാഗങ്ങളിലാണ് കടലാക്രമണം ശക്തമാകുന്നത്. കടലാക്രമണത്തെ പ്രതിരോധിക്കാൻ ഈ ഭാഗങ്ങളിൽ നിർമ്മിച്ച മണൽ കൂനകൾ തിരമാലയുടെ ശക്തിയിൽ ഒലിച്ചുപോയി. മണൽകൂന തകർന്ന ഭാഗങ്ങളിലൂടെയാണ് വെള്ളം വീടുകൾക്ക് മുന്നിലേക്ക് എത്തുന്നത്.
Post Your Comments