കൊച്ചി: സ്കൂള്‍ വിദ്യാര്‍ത്ഥിനിയായ ഒന്‍പതുകാരിയെ പീഡിപ്പിച്ച കേസില്‍ കൊച്ചിയില്‍ യുവാവിനെ പൊലീസ് അറസ്റ്റ് ചെയ്തു. സൗത്ത് ചിറ്റൂര്‍ ചക്കാലക്കല്‍ വീട്ടില്‍ സി.ജി ആന്റണിയെയാണ് നോര്‍ത്ത് പൊലീസ് അറസ്റ്റ് ചെയ്തത്. പീഡന വിവരം കുട്ടിയുടെ അമ്മ അറിഞ്ഞതാണ് പ്രതിയെ പിടികൂടുന്നതിന് കാരണമായത്. സംഭവം നടന്ന സ്ഥലത്തിനടുത്തുള്ള സി.സി.ടി.വി ദൃശ്യങ്ങള്‍ പരിശോധിച്ച ശേഷം പ്രതിയെ തിരിച്ചറിഞ്ഞ ശേഷമാണ് പോലീസ് അറസ്റ്റ് ചെയ്തത്. നോര്‍ത്ത് സി.ഐ കെ.ജെ.പീറ്റര്‍, എസ്.ഐ വിബിന്‍ ദാസ് എന്നിവരുടെ നേതൃത്വത്തില്‍ നടത്തിയ അന്വഷണത്തിലാണ് ആന്റണി കുടുങ്ങിയത്. റിമാന്‍ഡ് ചെയ്ത പ്രതിയെ ജയിലില്‍ നടത്തിയ തിരിച്ചറിയല്‍ പരേഡില്‍ കുട്ടി തിരിച്ചറിഞ്ഞു.
Post Your Comments