പ്രളയകാലത്തെ മോഷണം; മൂന്ന് പേർ പിടിയിൽ

മങ്കൊമ്പ്: പ്രളയകാലത്ത് മങ്കൊമ്പ് പ്രദേശത്തുനിന്നും ആട്, അടക്കമുള്ളവയെ മോഷ്ടിച്ചു കടത്തിയ സംഭവത്തിൽ പ്രധാന പ്രതിയടക്കം മൂന്നുപേർ കൂടി അറസ്റ്റിൽ.

കൂടാതെ കേസിലെ ഒന്നാം പ്രതി പുളിങ്കുന്ന് 15-ാം വാർഡ് ഐലക്കരി വീട്ടിൽ പ്രശാന്ത് (26), ഇരട്ട സഹോദരങ്ങളായ കൊച്ചുപുത്തൻതറ വീട്ടിൽ ഷിബു, ഷിജു എന്നിവരാണ് പിടിയിലായത്. ഇരട്ടസഹോദങ്ങളുടെ മറ്റൊരു സഹോദരൻ ഷിനുവും മറ്റൊരു പ്രതിയായ മോനിച്ചനും നേരത്തെ പിടിയിലായിരുന്നു.

സംഭവത്തിനുശേഷം ഒളിവിലായിരുന്ന ഇവരെ ബെംഗളൂരുവിൽ നിന്നാണ് അറസ്റ്റ് ചെയ്തത്. പ്രതികളെ രാമങ്കരി കോടതി റിമാൻഡു ചെയ്തു.