പനമരം: കാർ തലകീഴായി വീട്ടുമുറ്റത്തേക്ക് മറിഞ്ഞു, മൂന്ന് പേർക്ക് പരിക്ക്.. അവിലാഭവന് സമീപമാണ് കാർ തലകീഴായി മറിഞ്ഞത്. അപകടത്തിൽ കാറിലുണ്ടായിരുന്ന മൂന്ന് പേർക്ക് പരിക്കേറ്റു.
പച്ചിലക്കാട് സ്വദേശി പെരിങ്ങോളൻ അഷ്റഫിന്റെ പണിതുകൊണ്ടിരികുന്ന വീടിന് മുന്നിലേക്കാണ് കാർ തലകീഴായി വീണത്. ഇവിടത്തെ തൊഴിലാളികൾക്ക്‌ ഞായറാഴ്ച അവധിയായതിനാൽ വലിയ അപകടം ഒഴിവായി.
കാർ റോഡരികിലെ വാകമരത്തിൽ ഇടിച്ച ശേഷം വീടിന് മുന്നിലേക്ക് മറിയുകയായിരുന്നു. ഞായറാഴ്ച രാവിലെ ഒമ്പതുമണിക്കാണ് സംഭവം. നമരം സ്വദേശികളാണ് കാറിലുണ്ടായിരുന്നത്. പരിക്കേറ്റ മൂന്നുപേരെയും കല്പറ്റ ജനറൽ ആശുപത്രിയിൽ പ്രവേശിപ്പിച്ചു.
Post Your Comments