ബീഹാര്‍: വാന്‍ ബൈക്കുകളുമായി കൂട്ടിയിടിച്ച് ബൈക്ക് യാത്രക്കാരായ നാല് പേര്‍ മരിച്ചു. ബീഹാറിലെ ഗയ ജില്ലയിലെ ഭഗവാന്‍പൂരിലാണ് സംഭവം. മരിച്ചവരില്‍ പിതാവും മകനും ദമ്പതികളും ഉള്‍പ്പെടുന്നു. ബൈക്ക് യാത്രികരായ കിഷോറും അദ്ദേഹത്തിന്റെ മകന്‍ റോഷനും ദമ്പതിമാരായ ദേവാനന്ദും ലക്ഷ്മിയും ആണ് മരിച്ചത്. കിഷോറിന്റെ ബൈക്കിലിടിച്ച് നിര്‍ത്താതെ പോയ വാന്‍ ദേവാനന്ദിന്റെ ബൈക്കിലും ഇടിക്കുകയായിരുന്നു. നാല് പേരും സംഭവസ്ഥലത്ത് വെച്ച് തന്നെ മരിച്ചു. പൊലീസ് വാന്‍ കണ്ടെടുത്തെങ്കിലും ഡ്രൈവറെ പിടികൂടാനായിട്ടില്ല. സംഭവത്തില്‍ കേസെടുത്ത പൊലീസ് വാന്‍ ഡ്രൈവര്‍ക്കായുള്ള അന്വേഷണത്തിലാണ്.
Post Your Comments