ചന്ദനം ഇനി മുതൽ കോന്നിയിലും, ലഭ്യമാക്കുന്നത് ഗോട്‌ല, ബഗ്രദാദ്, സാപ് വുഡ് ബില്ലറ്റ് എന്നിവ

കോന്നി; മറയൂർ ചന്ദനം ഇനി മുതൽ കോന്നിയിലും ലഭ്യം. ഏറ്റവും മുന്തിയ ഇനമായ ബഗ്രദാദ്, സാപ് വുഡ് ബില്ലറ്റ് എന്നിവയാണ് ലഭ്യമാക്കുന്നത്.

ചന്ദനം ഇവിടെ ലഭ്യമാക്കുന്നത് സാധാരണക്കാർക്കും ക്ഷേത്രങ്ങളിലെ ആവശ്യത്തിനും മരുന്ന്, ശിൽപ നിർമാണങ്ങൾക്കും ചന്ദനം മിതമായ നിരക്കിൽ ലഭ്യമാകുന്നത് ഏറെ ഗുണകരമാകുമെന്നാണ് വിലയിരുത്തൽ. പുനലൂർ സെയിൽഡ് ഡിവിഷന്റെ കീഴിലാണ് കോന്നി ഡിപ്പോ. റേഞ്ച് ഓഫിസർക്കാണ് ഡിപ്പോയുടെ ചുമതല.

ചന്ദനമുട്ടികൾ ഗോട്‌ല, ബഗ്രദാദ്, സാപ് വുഡ് ബില്ലറ്റ് എന്നീ ക്ലാസുകളിലുള്ള ചന്ദനമുട്ടികളാണ് ഡിപ്പോയിൽ എത്തിച്ചിട്ടുള്ളത്. ഗോട്‌ല ക്ലാസിന്റെ വില കിലോയ്ക്ക് 19,500 രൂപയാണ്. ഒരു ഗ്രാമിന് 19.50 രൂപ. ബഗ്രദാദ് ക്ലാസ് –6ന് കിലോയ്ക്ക് 17,500 രൂപ. ഒരു ഗ്രാമിന് 17.50 രൂപ. സാപ് വുഡ് ബില്ലറ്റ്–14 ഒരു കിലോ 1250 രൂപയുമാണ് വില. ജിഎസ്ടി, ഫോറസ്റ്റ് ഡവലപ്മെന്റ് ടാക്സ്, ഐടി നികുതികൾ എന്നിവ ചേർത്ത ആകെ തുകയാണിത്.