മത്സരത്തിനിടെ നിര്‍ണായക ബൗളിങ് മാറ്റം കൊണ്ടുവരുന്നതിലും ഫീല്‍ഡറെ കൃത്യസ്ഥലത്ത് നിര്‍ത്തുന്നതിലും മഹേന്ദ്രസിംഗ് ധോണിയുടെ കഴിവ് മറ്റാർക്കുമില്ല. ബുധനാഴ്ച ബംഗ്ലാദേശിനെതിരേ നടന്ന മത്സരത്തില്‍ പാക് നായകന്‍ സര്‍ഫ്രാസ് ധോണിയുടെ തന്ത്രം ഒന്ന് പ്രയോഗിച്ചുനോക്കുകയുണ്ടായി. എന്നാൽ ആ തീരുമാനം പരാജയമായിരുന്നു. വിലപ്പെട്ട ഒരു വിക്കറ്റ് നേടാനുള്ള സുവര്‍ണാവസരവും ഇതുവഴി പാകിസ്ഥാന് നഷ്ടമായി.
ഹസന്‍ അലി ബൗളിങ്ങിന് എത്തിയപ്പോഴായിരുന്നു പാക് നായകന്റെ ഫീല്‍ഡ് മാറ്റം. സ്ലിപ്പില്‍ നിന്നിരുന്ന ഫീല്‍ഡറെ സര്‍ഫ്രാസ് ലെഗ് സൈഡിലേക്ക് മാറ്റി. എന്നാല്‍ അതിനു ശേഷം അലി എറിഞ്ഞ മൂന്നാമത്തെ പന്ത് ബംഗ്ലാ ബാറ്റ്‌സ്മാന്‍ മുഹമ്മദ് മിഥുന്റെ ബാറ്റില്‍ തട്ടി നേരത്തെ ഫീല്‍ഡര്‍ നിന്നിരുന്ന സ്ലിപ്പിലൂടെ ബൗണ്ടറിയിലെത്തുകയായിരുന്നു.
https://vimeo.com/291919571
Post Your Comments