കാത്തിരിപ്പ് ഇനി വേണ്ട : എംഐ ബാന്റ് 3 ഇന്ത്യയിൽ അവതരിപ്പിച്ച് ഷവോമി

ബെംഗളൂരു : കാത്തിരിപ്പ് ഇനി വേണ്ടഎംഐ ബാന്റ് 3 ഇന്ത്യയിൽ അവതരിപ്പിച്ച് ഷവോമി.ചൈനീസ് വിപണിയിൽ മാസങ്ങൾക്ക് മുൻപ് എത്തിയ എംഐ ബാന്റ് 3 ബംഗലൂരുവിൽ നടന്ന ചടങ്ങിലാണ് പുറത്തിറക്കിയത്. ഒഎൽഇഡി സ്ക്രീനോടെ എത്തുന്ന എംഐ ബാന്റ് 3 യുടെ സ്ക്രീൻ വലിപ്പം വർദ്ധിപ്പിച്ചു. 0.78 ആണ് എംഐ ബാന്റിന്റെ സ്ക്രീൻ വലിപ്പം. നോട്ടിഫിക്കേഷനിൽ വരുന്ന സന്ദേശങ്ങൾ വായിക്കാൻ പറ്റും എന്നതും ജല പ്രതിരോധ ശേഷി 50 എം ആയി ഉയർത്തിയതുമാണ് പ്രധാന പ്രത്യേകത.

ഹൃദയമിടിപ്പ് അടക്കം കൃത്യമായി മോണിറ്റർ ചെയ്യാവുന്നതിനൊപ്പം മൂന്ന് ദിവസത്തേക്കുള്ള കാലവസ്ഥ അറിയിപ്പ്,മെനു നാവിഗേഷൻ,സ്റ്റോപ്പ് വാച്ച്, ഫോൺ ലോക്കേഷൻ ഫംഗ്ഷൻ എന്നിവ പുതുതായി എംഐ ബാന്റ് 3യിൽ ഉൾപ്പെടുത്തിയിട്ടുണ്ട്. സെപ്തംബർ 28 ഉച്ച മുതൽ എംഐ. കോം, ആമസോൺ എന്നിവിടങ്ങളിൽ ലഭ്യമാകുന്ന എംഐ ബാന്റ് 3യ്ക്ക് 1999 രൂപയാണ് വില. ഓഫ് ലൈനായും ലഭ്യമാകും