തിരുവനന്തപുരം : വയലിനിസ്റ്റ് ബാലഭാസ്‌കറും കുടുംബവും സഞ്ചരിച്ച കാര്‍ അപകടത്തില്‍പെട്ടു. പരിക്കുകൾ അതീവ ഗുരുതരം. തിരുവനന്തപുരം കഴക്കൂട്ടം താമരക്കുളത്ത് പുലര്‍ച്ചെ 4.30 ഓടെയായിരുന്നു അപകടം. ഡ്രൈവർ ഉറങ്ങിയതാകാം അപകടത്തിന് കാരണമെന്നാണ് പോലീസിന്റെ പ്രാഥമിക നിഗമനം. നിയന്ത്രണം വിട്ട കാര്‍ സമീപത്തെ മരത്തിലിടിച്ചാണ് അപകടമുണ്ടായത്.
ബാലഭാസ്‌കര്‍, ഭാര്യ, മകള്‍, ഡ്രൈവര്‍ എന്നിവരാണ് കാറിൽ ഉണ്ടായിരുന്നത്. പരിക്കേറ്റ നാലുപേരെയും ആശുപത്രിയിലെത്തിച്ചു. തൃശ്ശൂര്‍ വടക്കുംനാഥക്ഷേത്ര ദര്‍ശനത്തിനു ശേഷമുള്ള മടക്കയാത്രയ്ക്കിടെയാണ് അപകടം. കാര്‍ പൂര്‍ണമായും തകര്‍ന്നു. ഹൈവേ പോലീസാണ് അപകടം ആദ്യം കണ്ടതും ബാലഭാസ്‌കറിനെയും കുടുംബത്തേയും രക്ഷിച്ചതും.
വയലിന്‍ വായനയില്‍ മികവ് കാട്ടിയ പ്രതിഭയാണ് ബാലഭാസ്‌കർ. എആർ റഹ്മാനെ പോലുള്ള സംഗീതജ്ഞരും ബാലഭാസ്‌കറിന്റെ മികവുകളെ അംഗീകരിച്ചിട്ടുണ്ട്. സംഗീത സംവിധാന രംഗത്തും ബാലഭാസ്‌കർ മികവ്തെളിയിച്ചിട്ടുണ്ട്.
Post Your Comments