ലോകത്തിലെ ഏറ്റവും സുരക്ഷിത കാര്‍ വോള്‍വോ XC60 മലയാളി നടനും നിര്‍മ്മാതാവുമായ മണിയന്‍പിള്ള രാജുവിനു സ്വന്തം. കഴിഞ്ഞ ദിവസമാണ് മണിയന്‍പിള്ള രാജു ഏകദേശം 55.90 ലക്ഷം രൂപ എക്‌സ് ഷോറൂം വിലയുള്ള വാഹനം സ്വന്തമാക്കിയത്. അദ്ദേഹം വാഹനം വാങ്ങുന്നതിന്റെ ചിത്രങ്ങൾ ഇപ്പോൾ സമൂഹ മാധ്യമങ്ങളിൽ വൈറലാവുകയാണ്.
സുരക്ഷാ ഏജന്‍സിയായ യൂറോ എന്‍സിഎപി നടത്തിയ ക്രാഷ് ടെസ്റ്റുകളില്‍ അഞ്ചില്‍ അഞ്ചു സ്റ്റാറും നേടി XC60 കഴിഞ്ഞ വർഷം മികച്ച ഓഫ്-റോഡര്‍ എന്ന പുരസ്‌കാരവും സ്വന്തമാക്കിയിരുന്നു. ഡിസംബറിൽ ഇന്ത്യയില്‍ എത്തിയ വാഹനത്തിൽ അത്യാധുനിക സംവിധാനങ്ങളെല്ലാം സ്റ്റാന്‍ഡേര്‍ഡ് ഫീച്ചറാണെന്നതാണ് പ്രധാന പ്രത്യേകത. മുതിര്‍ന്ന യാത്രക്കാര്‍ക്ക് 98 ശതമാനം സുരക്ഷയാണ് എന്‍സിഎപി ക്രാഷ് ടെസ്റ്റില്‍ സ്വീഡിഷ് വാഹനനിര്‍മ്മാതാക്കാളായ വോള്‍വോയുടെ XC60 വാഗ്ദാനം ചെയ്യുന്നത്.
Post Your Comments