ഹൈദരാബാദ്: മനസറിഞ്ഞ് ഉല്ലസിക്കാനും, കളിച്ച് രസിക്കാനും മനുഷ്യര്‍ക്ക് മാത്രം പോരാ പാര്‍ക്കെന്ന പുത്തന്‍ ആശയത്തെ യാഥാര്‍ഥ്യമാക്കി തീര്‍ത്തിരിക്കുകയാണ് ആന്ധ്രാ സര്‍ക്കാര്‍. ഇതിനായി 1.1 കോടി രൂപ മുതല്‍ മുടക്കില്‍ പണി കഴിപ്പിച്ചിരിക്കുന്ന ഈ പാര്‍ക്ക് 1.3 ഏക്കറില്‍ വിശാലമായി കിടക്കുന്നു.
നായ്ക്കുട്ടികള്‍ക്കുള്ള ട്രെയിനിങ്ങ് എക്വിപ്മെന്റ്, എക്സര്‍സൈസ് ചെയ്യാനുള്ള സ്ഥലം, സ്പ്ലാഷ് പൂള്‍, ഫൗണ്ടന്‍, ആംഫിതിയറ്റര്‍, പുല്‍ത്തകിടികള്‍, ചെറിതും വലുതുമായ പട്ടികള്‍ക്കായി പ്രത്യേക കെനലുകള്‍, എന്ന് തുടങ്ങി ഒരു കിടുക്കന്‍ ക്ലിനിക്ക് വരെ ഇവിടെ നായ്ക്കള്‍ക്കായി ഒരുങ്ങി കഴിഞ്ഞു.
അത്യാധുനിക സൗകര്യങ്ങളോടെ പണി കഴിപ്പിച്ചിട്ടുള്ള ഈ പാര്‍ക്കിന് കെനല്‍ ക്ലബ് ഓഫ് ഇന്ത്യയുടെ സെര്‍ട്ടിഫിക്കേഷനുമുണ്ട്. ഏതായാലും ഈ പാര്‍ക്ക് കിടുക്കി, തിമിര്‍ത്തു എന്നാണ് ശ്വാന പ്രേമികളുടെ പക്ഷം.
Post Your Comments