ഗൗരി ലങ്കേഷ് വധം; കേസിലെ നിർണായക തെളിവ് കണ്ടെത്തി

മഹാരാഷ്ട്ര : എഴുത്തുകാരിയും മാധ്യമ പ്രവര്‍ത്തകയുമായ ഗൗരി ലങ്കേഷ് വധക്കേസിലെ നിർണായക തെളിവ് കണ്ടെത്തി. പ്രതികള്‍ സഞ്ചരിച്ചിരുന്ന ബൈക്കാണ് കണ്ടെത്തിയത്. മഹാരാഷ്ട്രയിൽ നിന്നുമാണ് കേസിലെ നിർണായ തെളുവുകളിലൊന്നായ മോട്ടോർ സൈക്കിൾ കണ്ടെടുത്തത്.

മഹാരാഷ്ട്ര തീവ്രവാദ വിരുദ്ധ സേനയും കർണാടക പോലീസിന്റെ പ്രത്യേക അന്വേഷണ സംഘവും നടത്തിയ തിരച്ചിലിലാണ് നല്ലസൊപ്പാരയിൽനിന്ന് ബൈക്ക് കണ്ടെടുത്തത്. കേസിൽ അറസ്റ്റിലായ പ്രതികളെ എത്തിച്ചു നടത്തിയ ചോദ്യം ചെയ്യലിലും തെളിവെടുപ്പിനും ശേഷമാണ് ഗൗരി ലങ്കേഷിനെ കൊലപ്പെടുത്തിയ പ്രതികൾ ഉപയോഗിച്ച ബൈക്കാണ് ഇത് തന്നെയാണെന്ന് സ്ഥിരീകരിച്ചതായി മഹാരാഷ്ട്ര പോലീസ് അറിയിച്ചത്. ബൈക്ക് കേസന്വേഷിക്കുന്ന പ്രത്യേക അന്വേഷണ സംഘത്തിന് കൈമാറി.