ന്യൂഡൽഹി: ഇന്ത്യയിലെ യുഎഇ അംബാസഡര്‍ അഹമ്മദ് അല്‍ ബന്ന അടുത്തയാഴ്ച പ്രളയ ബാധിത മേഖലകള്‍ സന്ദര്‍ശിക്കാൻ കേരളത്തിലെത്തുമെന്ന് റിപ്പോർട്ട്. വിവിധ സംഘടനകളുമായും ഉദ്യോഗസ്ഥരുമായും അദ്ദേഹം നിലവിലെ സാഹചര്യങ്ങള്‍ ചര്‍ച്ച ചെയ്യും. കേരളത്തെ സഹായിക്കാന്‍ യുഎഇ ഭരണാധികാരികള്‍ സന്നദ്ധത പ്രകടിപ്പിച്ചതിന് പിന്നാലെയാണ് അദ്ദേഹത്തിന്റെ സന്ദര്‍ശനം.
Read also: പ്രളയം പിന്‍വാങ്ങുമ്പോള്‍ കേരളം പശ്ചാത്താപത്തോടെ ഓര്‍ക്കേണ്ട ഒരു നേതാവുണ്ട് ; അഡ്വ ജയശങ്കര്‍
നേരത്തെ, കേരളത്തിന് യുഎഇ 700 കോടി നല്‍കുമെന്ന് അറിയിച്ചിട്ടുണ്ടെന്ന് മുഖ്യമന്ത്രി പിണറായി വിജയന്‍ പറഞ്ഞിരുന്നു. എന്നാല്‍, കേരളത്തിന് ദുരിതാശ്വാസമായി നല്‍കേണ്ട തുക സംബന്ധിച്ച്‌ ഔദ്യോഗിക തീരുമാനമെടുത്തിട്ടില്ലെന്നായിരുന്നു അഹമ്മദ് അൽ ബന്ന വ്യക്തമാക്കിയത്. അതേസമയം കേരളത്തിന് സഹായം നൽകിയേക്കും എന്ന സൂചന നൽകുന്നതാണ് യുഎഇ അംബാസഡറുടെ സന്ദർശനം.
Post Your Comments